ભાવનગરમાં ભયંકર અકસ્માત: ટાયર ફાટતા ટ્રક પલટી જતાં અનેક દબાયા, 6નાં મોત.

વલભીપુર તાલુકાના મેવાસા ગામ પાસે પશુનો ચારો ભરેલી ટ્રકનું ટાયર ફાટતા પલટી મારી ગઈ હતી. જેથી અકસ્માત થતાં અનેક લોકો દબાયા હતા. આ ટ્રકમાં 12થી 14 મજૂરો સવાર હતા એ દરમિયાન દુર્ઘટના બની હતી. પ્રાપ્ત માહિતી અનુસાર, અત્યારસુધીમાં 6 લોકોનાં મોત થયાં છે. ઘટનાની જાણ થતાં જ પોલીસ તેમજ 108ની ટીમ દોડી આવી હતી. સ્થાનિકોની મદદથી ઈજાગ્રસ્તોને હોસ્પિટલમાં ખસેડાયા હતા.

​​​​​​મેવાસા ગામ તરફથી વલભીપુર આવી રહ્યા હતા. એ દરમિયાન પશુનો ચારો ભરેલી ટ્રક પલટી મારી જતાં ભયંકર અકસ્માત થયો હતો. આ અંગે મળતી માહિતી અનુસાર, ટ્રક નીચે અનેક લોકો દબાયા હતા. જેમાં કેટલાકે જીવ ગુમાવ્યો છે તો કેટલાક ગંભીર રીતે ઘાયલ થયા છે. 

મરણ જનારના લોકો

1. નવઘણભાઈ ગભરૂભાઈ રાઠોડ ઉં.21

2. કવાભાઈ ભીખાભાઈ મકવાણા ઉ.45

3. સિતુભાઈ દાનાભાઈ ચૌહાણ ઉ.51

4. અલ્પેશભાઈ સવશીભાઈ વેગડ ઉ.22

5. મનીબેન ગભરૂભાઈ રાઠોડ

6. કોમલબેન મનસુખભાઈ રાઠોડ