મોરબીનો ઝૂલતો પુલ તૂટ્યો, 400થી વધુ લોકો ડૂબ્યાં…
મચ્છુ નદી પર આવેલો ઝૂલતા પુલના વચ્ચેથી કટકાં થઈ ગયા !!!
મોરબી શહેરનો જગવિખ્યાત ઝૂલતો પુલ તૂટ્યો છે. મણિમંદિર પાસે મચ્છ નદી પર આવેલો ઝૂલતા પુલના વચ્ચેથી કટકાં થઈ ગયા છે. ઉલ્લેખનીય છે કે, ઝૂલતો પુલ પર રહેલા લોકો પાણીમાં ગરકાવ થઈ ગયા છે. મળતી માહિતી પ્રમાણે, 400થી વધુ લોકો ડૂબ્યાં છે. આ ઝૂલતો પુલ હજુ બેસતા વર્ષે ખુલ્લો મૂકાયો હતો…
મોરબીનો ઝૂલતો પુલ નવા વર્ષના દિવસે સહેલાણીઓ માટે ખુલ્લો મૂકવામાં આવ્યો હતો. ત્યારે ઓરેવા ગ્રુપના MD ઝૂલતા પુલને ખુલ્લો મુકાયો છે. આ પુલ રિનોવેશન માટે બંઘ કરવામાં આવ્યો હતો. તેને રૂપિયા 2 કરોડના ખર્ચે રિનોવેશન કરવામાં આવ્યું છે. તેમજ 6 મહિના માટે ઝૂલતો પુલ બંધ રહ્યો હતો.
વધુ માહિતી મેળવી રહ્યા છીએ, હાલમાં નદીમાં પડી ગયેલા લોકોને બચાવ કામ ચાલુ છે….
જુવો વિડીયો…
ઝૂલતા પુલનો ઇતિહાસ….
1947 સુધી મોરબી એક રજવાડું હતું. રાજા મયુરધ્વજ મોરબીના રાજા હતા. મોરબીમાં 1979માં પૂરથી તબાહી થઈ હતી. આ પૂરમાં મોટાભાગના ઐતિહાસિક સ્મારકો નાશ પામ્યા હતા. પરંતુ હવે મોરબી ફરી એકવાર ટાઇલ્સ અને ઘડિયાળના ઉત્પાદન માટે હબ તરીકે ઉભરી રહ્યું છે.
ઝૂલતો પુલ, સદીના અંતે બાંધવામાં આવેલ એન્જિનિયરિંગ અજાયબી, મોરબીના શાસકોના પ્રગતિશીલ અને વૈજ્ઞાનિક સ્વભાવને પ્રતિબિંબિત કરે છે. તે દિવસોમાં યુરોપમાં ઉપલબ્ધ નવીનતમ ટેકનોલોજીનો ઉપયોગ કરીને મોરબીને એક આગવી ઓળખ આપવા માટે આનું નિર્માણ કરવામાં આવ્યું હતું. તે 1.25 મીટર પહોળું છે અને દરબારગઢ પેલેસ અને લખધીરજી એન્જિનિયરિંગ કૉલેજને જોડતી મચ્છુ નદી પર 233 મીટર સુધી ફેલાયેલું છે.
મોરબીનો ઝૂલતો પુલ (સસ્પેન્શન બ્રિજ) એક ખૂબ જ પ્રખ્યાત પર્યટન સ્થળ છે.
મોરબીનો ઐતિહાસિક ઝૂલતો પુલ મચ્છુ નદીમાં ઝૂલતો છે તે ભારતમાં કેટલીક લટકતી ઇમારતોમાંની એક છે. તે લગભગ 180 વર્ષ પહેલાં મોરબીના ભૂતપૂર્વ શાસક વાઘજી ઠાકોર દ્વારા ઇંગ્લેન્ડથી આયાત કરાયેલ ખાસ સાગના લાકડા, લોખંડ અને વાયરોથી બાંધવામાં આવ્યું હતું.
તેની વિશિષ્ટ ડિઝાઇન અને સાંસ્કૃતિક મૂલ્યને કારણે, આ પુલ લગભગ ઔદ્યોગિક નગર મોરબીનો પર્યાય બની ગયો છે.
ઝૂલતો પુલ દરબારગઢ પેલેસને નઝરબાગથી જોડતો આ પુલ 756 ફૂટ લાંબો અને 4.6 ફૂટ પહોળો છે.
