મોરબી જિલ્લામાં ત્રણ ગ્રામ સેવકોને વિસ્તરણ અધિકારીનું પ્રમોશન મળ્યું

મોરબી જિલ્લામાં જુદા જુદા તાલુકામાં નોકરી કરતા ત્રણ ગ્રામ સેવકોને નિયમ મુજબ ખાતાકીય પરીક્ષા પાસ કરતા વિસ્તરણ અધિકારી (ખેતી)નું પ્રમોશન આપવામાં આવ્યું છે.

મોરબી જિલ્લાના આ ત્રણ ગ્રામ સેવકોમાં ટંકારા તાલુકામાં ઘુનડા ખાનપર ગામમાં ગ્રામસેવક તરીકે નોકરી કરતા રવિકુમાર મગનભાઈ ગોગરાને ગ્રામ સેવકમાંથી વિસ્તરણ અધિકારી (ખેતી)નું પ્રોમોશન મળ્યું છે તેમને માળિયા તાલુકા પંચાયતમાં મૂકવામાં આવ્યા છે. અને મોરબી તાલુકામાં ખેરડા ગામમાં ગ્રામસેવક તરીકે નોકરી કરતા મહેશ ધનજીભાઇ કાચરોલાને વિસ્તરણ અધિકારી (ખેતી)નું પ્રમોશન આપવામાં આવ્યું છે તેમને હાલ હળવદ તાલુકા પંચાયતમાં મૂકવામાં આવ્યા છે. જ્યારે વાંકાનેર તાલુકાના પલાસ ગામમાં ગ્રામસેવક તરીકે નોકરી કરતા એહમદરઝા વલીમામદભાઈ ગઢવાળાને વિસ્તરણ અધિકારી (ખેતી)નું પ્રમોશન આપીને તેમને હાલ મોરબી જિલ્લા પંચાયતમાં લિવ રિઝર્વમાં મુકવામાં આવ્યા છે.