વાંકાનેર તાલુકાના મેસરિયા પાસેથી જામગરી બંદુક સાથે એક પકડાયો
વાંકાનેર : વાંકાનેર તાલુકા પોલીસ દ્વારા વાંકાનેર તાલુકાના મેસરીયા ગામના નજીકથી એક ઇસમને ગેરકાયદેસર દેશી બનાવટની જામગરી બંદુક સાથે પકડી પાડવામાં આવ્યો હતો.
![](https://kaptaan.co.in/wp-content/uploads/2024/07/krushi-uday.jpg)
![](https://kaptaan.co.in/wp-content/uploads/2021/02/IMG-20210222-WA0022-1024x576.jpg)
વાંકાનેર તાલુકા સર્વેલન્સ ટીમને મળેલ હકિકત આધારે વાંકાનેર તાલુકાના મેશરીયા ગામના તળાવ પાસેથી આરોપી ગોબરભાઇ જીવાભાઇ ઓતરાદી (ઉ.વ. 45, ધંધો-ખેતી રહે-ચીરોડા, તા-ચોટીલા, જી-સુરેન્દ્રનગર)ને કબજામાં ગેરકાયદેસર દેશી બનાવટની મઝલ લોડ સીંગલ બેરલ (જામગરી) 1 બંદૂક સાથે પકડી પાડવામાં આવ્યો છે. અને આર્મ્સ એકટ મુજબ ધોરણસર કાર્યવાહી કરી વાંકાનેર તાલુકા પોલીસ સ્ટેશનમાં ગુન્હો રજીસ્ટર કરાવેલ છે. તેમજ ઇસમનો કોવીડ-19 નો ટેસ્ટ કરાવવા કાર્યવાહી હાથ ધરેલ છે.
![](https://kaptaan.co.in/wp-content/uploads/2024/05/kaptaan-new-ad.jpg)