ગુજરાત: હજારોની ભીડ વચ્ચે બે સાંસદોએ મંત્રીની ધોતી ખેંચી હતી, 29 વર્ષ બાદ કોર્ટે કેસ ખતમ કર્યો

અમદાવાદ: સરદાર પટેલ સ્ટેડિયમમાં ભાજપના એક કાર્યક્રમ દરમ્યાન ગુજરાતના તત્કાલિન મંત્રી આત્મારામ પટેલની ધોતી ખેંચવાના મામલામાં 29 વર્ષ બાદ શહેરની એક સેશન કોર્ટે ગત ગુરુવારે પૂર્વ કેન્દ્રીય મંત્રી એ.કે. પટેલ, જે ગુજરાત ભાજપના પહેલા બે લોકસભા સભ્યોમાંથી એક હતા, તેમના વિરુદ્ધ ગુનાહિત મામલો ખતમ કરી દીધો છે.

ટાઈમ્સ ઓફ ઈંડિયાના રિપોર્ટ અનુસાર, સરકારી વકીલે કેસને બંધ કરવાની અપીલ કરી હતી, કેમ કે પીડિત અને એક આરોપીનું મૃત્યુ સુનાવણી દરમ્યાન થઈ ચુક્યું છે. આ મામલામાં એક અન્ય ભાજપ નેતા મંગળદાસ પેટલ પણ આરોપી હતી. તેમનું નિધન થઈ ચુક્યું છે. તો વળી પીડિત આત્મારામ પટેલનું પણ નિધન થઈ ચુક્યું છે.

શું છે આખો મામલો

આ મામલો નારણપુરા પોલીસ સ્ટેશનમાં ભારતીય દંડ સંહિતાની કલમ 307 અંતર્ગત નોંધાઈ હતી. તેમના પર 1996માં મંત્રી પર કથિત રીતે હુમલો કરવા અને તેમની ધોતી ખેંચવાનો આરોપ હતો. મંગળદાસ હવે આ દુનિયામાં નથી. આરોપીએ તત્કાલિન મુખ્યમંત્રી કેશુભાઈ પટેલ સાથે મતભેદના સમયે શંકરસિંહ વાઘેલાનું સમર્થન કર્યું હતું. આ ઘટના ભાજપના સીનિયર નેતા અટલ બિહારી વાજપેયી દ્વારા સભાને સંબોધન કર્યાના તરત બાદ થઈ હતી.

સરકારી વકીલે કોર્ટને આ અપીલ કરી

સરકારી વકીલ સુધીર બ્રહ્મભટ્ટે 95 વર્ષિય પૂર્વ સાંસદ વિરુદ્ધ કેસ પાછો ખેંચવા માટે સીઆરપીસીની કલમ 321 અંતર્ગત એક આવેદન આપ્યું હતું. આ કેસના સહ-અભિયુક્ત મંગળદાસ પટેલ અને સાક્ષી-પીડિત આત્મારામ પટેલનું કેસ દરમ્યાન નિધન થઈ ગયું હતું.

કોર્ટે પોતાના નિર્ણયમાં આ વાતો કહી

બનાવો સાંભળ્યા પછી, એડિશનલ સેશન્સ જજ એચ.જી. પંડ્યાએ જણાવ્યું હતું કે આ કેસ 28 વર્ષ પહેલા થયેલા આંતરિક રાજકીય પક્ષના વિવાદ સાથે સંબંધિત છે અને પીડિત આત્મારામભાઈ મગનભાઈ પટેલનું અવસાન થયું છે. સરકારી વકીલ દ્વારા કેસ પાછો ખેંચવાની વિનંતી સારી નિષ્ઠાથી કરવામાં આવી હોય તેવું લાગે છે અને કેસ પાછો ખેંચવા પર પૂરતો વિચાર કરવામાં આવ્યો છે. તેથી, રેકોર્ડ અને ગુનાના સ્વરૂપને ધ્યાનમાં રાખીને, ન્યાયના હિતમાં સીઆરપીસીની કલમ 321 હેઠળ કેસ પાછો ખેંચવાની મંજૂરી આપવી યોગ્ય છે.

આ પહેલા પણ 41 નેતાઓને રાહત મળી હતી.

આ પહેલી વાર નથી કે આ ઘટના સાથે સંકળાયેલા લોકોને રાહત મળી હોય. જાન્યુઆરી 2018 ની શરૂઆતમાં, મેટ્રોપોલિટન કોર્ટે આ કેસ સાથે સંકળાયેલા 41 ભાજપના કાર્યકરો અને નેતાઓ સામે નોંધાયેલ બીજો ફોજદારી કેસ ફગાવી દીધો હતો. તેમાં VHP નેતા પ્રવીણ તોગડિયા અને દસકરોઈ ભાજપના ધારાસભ્ય બાબુ જમનાદાસ પટેલનો સમાવેશ થાય છે.