વડોદરાના મેયરના વોર્ડમાં નળમાં પાણીના બદલે ચા આપવામાં આવે છે.!

November 27, 2019November 27, 2019 Kaptaan Municipal corporations, Tea, Vadodara, Water

વડોદરાના મેયરના વોર્ડમાં તેમને પોતાના મતદારો માટે ખાસ સ્પેશ્યલ સુવિધા આપી છે. જેમાં તેઓ પાણીના નળમાં જ તેમના મતદારોને ચા આપી રહ્યા છે. આ વાંચીને આપને નવાઈ તો જરૂર લાગશે પણ આ ખરી હકીકત છે. કે વડોદરા શહેરના પશ્ચિમ વિસ્તારોમાં નળમાંથી પાણી નહીં ચા બહાર આવી રહી છે.

આ વિસ્તારમાં કોર્પોરેશન દ્વારા એટલું બધુ ખરાબ પાણી આપવામાં આવે છે કે તેમને પાણી નહીં પણ ચા કહેવી જોઈએ આ બાબતે ઉગ્ર રજૂઆતો થઇ છે જ્યારે બીજી તરફ આ અંગે તંત્રનું કહેવું છે કે પાણીની લાઇનમાં લિકેઝ થયું છે, આ લિકેઝ મળતુ ન હોવાથી આ સમસ્યા સર્જાઈ છે.

સૌથી આશ્ચર્ય પમાડે તેવી વાત એ છે કે વોર્ડ નંબર 10માં ગંદુ પાણી આવી રહ્યાની ફરિયાદ છે તે શહેરના મેયર જીગીશાબેન શેઠનો મત વિસ્તાર છે. શહેરના પૂર્વ અને દક્ષિણ વિસ્તારમાં લોકો પહેલાથી જ ગંદા પાણીની સમસ્યાથી પીડિત હતા, હવે પશ્ચિમ વિસ્તારનો વારો આવ્યો છે. આ અંગે મહિલાઓએ હૈયાવરાળ ઠાલવતા કહ્યુ કે, આવા પાણીથી ઘરમાં પોતા પણ નથી કરી શકાતા.