વાંકાનેર: પીયૂસી માટે પડાપડી, લાગી મોટી કતાર

September 16, 2019September 16, 2019 Kaptaan Pada padi, PUC, Wankaner

વાંકાનેર: નવા ટ્રાફિકના કડક કાયદામાં થયેલી તોતીગ દંડની જોગવાઈથી બચવા લોકોએ કસરત શરૂ કરી દીધી છે.ખાસ કરીને પીયૂસી કઢાવવા માટે લોકોની રેશનિગ માટે હોય તેવી લાઈનો લાગી રહી છે.જોકે હાલ પાવન, એવન કોમ્પ્લેક્સ,હાઇવે પર પીયૂસી કાઢી આપવામાં આવે છે ત્યારે એક એક જગ્યાએ 200થી વધુ લોકોની ભીડ જોવા મળી રહી છે. આવી જ સ્થિતિ હેલ્મેટ ખરીદવા માટે પણ જોવા મળી રહી છે.

આજથી ટ્રાફિકના નવા કડક કાયદોઓ લાગુ પડેલ છે.જેમાં ટ્રાફિકના નિયમો તોડે તેના માટે આકરા દંડની જોગવાઈ કરવામાં આવી છે જેથી હવે લોકો ટ્રાફિકના નિયમોથી બચી નહિ શકે.તેથી હવે વાહનોથી ટ્રાફિક નિયમોનો ભંગ ન થાય તે માટેના અસલી ડોક્યુમેન્ટ કરવા માટે લોકોમાં ઉધ હરામ થઈ ગઈ છે અને અસલી ડોક્યુમેન્ટ બનાવવા માટે લોકોએ તમામ કામો પડતા મૂકીને આ જ કામ કરવા દોડાદોડી કરી મૂકી છે વાંકાનેરમા પીયૂસી કઢાવવા માટે ઓછા સ્થળ હોવાથી લોકોની રેશનિગ જેવી લાઈનો લાગી છે.પહેલા દસથી બાર લોકો જ પીયૂસી કઢાવવા આવતા હતા પણ હવે ટ્રાફિકના આકરા દંડથી બચવા પીયૂસી કઢાવવા માટે લોકોની મોટી લાઈનો લાગી છે.