લીંબડી-અમદાવાદ હાઈવે ઉપર એસટી બસનું એક્સિડન્ટ, 7લોકોને ઈજા…

સુરેન્દ્રનગર જિલ્લાના લીંબડી-અમદાવાદ હાઇવે ઉપર એસટી બસનો અકસ્માત સર્જાયો હતો. આ અકસ્માતની ઘટનામાં ડ્રાઇવર, કંડકટર સહિત સાત વ્યક્તિઓને ઈજા પહોંચી હતી. જેથી તેઓને ઈજાગ્રસ્ત હાલતમાં સારવાર અર્થે હોસ્પિટલ ખસેડાયા હતા. લીંબડીના કાનપરાના પાટીયા પાસે અકસ્માત સર્જાયો હતો. જેમાં એસટી બસના ડ્રાઇવરે સ્ટીયરીંગ ઉપર કાબુ ગુમાવતા બસ પલટી ગઈ હતી.

લીંબડી-અમદાવાદ હાઇવે ઉપર જામનગરથી દાહોદ જતી એસટી બસનો અકસ્માત સર્જાયો હતો. જેમાં ડ્રાઇવર અને કંડકટર સહિત સાંત વ્યક્તિઓને ઇજાઓ પહોંચતા તમામને લોહીલુહાણ હાલતમાં તાકીદે 108 એમ્બ્યુલન્સ વાનમાં સારવાર અર્થે લીંબડીની આર.આર. સરકારી હોસ્પિટલ ખાતે ખસેડાયા હતા.

આ અકસ્માતની ઘટનાના પગલે લીંબડી અમદાવાદ હાઇવે ઉપર ટ્રાફિકજામના દ્રશ્યો સર્જાયા હતા. લોકોના ટોળેટોળા બનાવના સ્થળે એકઠા થયા હતા. આ અકસ્માતની ઘટનાની જાણ થતાં લીંબડી પોલીસે પણ તાકીદે ઘટનાસ્થળે પહોંચી અકસ્માત અંગેનો ગુનો દાખલ કરી વધુ તપાસ હાથ ધરી હતી.