વાંકાનેર: જમાઈ સાસરે પધાર્યા અને તેમની પત્ની ઘરે ન હોવાથી બોલાવી બઘડાટી…!!

વાંકાનેર : વાંકાનેરની પેડક સોસાયટીમાં રહેતા પરિવારના ઘરે રાજકોટ રહેતા બનેવી આવ્યા અને તેમની ઘરે ન હોવાથી તે કેમ બહાર ગઈ છે કહી બઘડાટી બોલાવી પત્નીને માર મારી વચ્ચે પડેલા સાળાને પણ લાકડીઓ ફટકારી જાનથી મારી નાખવા ધમકી આપતા વાંકાનેર સીટી પોલીસ મથકમાં ફરિયાદ નોંધાઈ છે.

આ બનાવ અંગે મળેલી માહિતી મુજબ વાંકાનેરની પેડક સોસાયટીમાં રહેતા રાહુલભાઇ ચંદુભાઇ ડાગરોચાએ વાંકાનેર સીટી પોલીસ મથકમાં પોતાના રાજકોટ રહેતા બનેવી દેવરાજભાઇ હકાભાઇ દેકાવાડીયા વિરુદ્ધ ફરિયાદ નોંધાવતા જાહેર કર્યું હતું કે, ગઈકાલે તેમના બનેવી દેવરાજભાઇ હકાભાઇ દેકાવાડીયા પોતાના ઘેર આવ્યા હતા ત્યારે ફરિયાદીની બહેન ખુશ્બૂ બહાર ગઈ હોય કહ્યું હતું કે તું કેમ ઘેર ન હોતી ? એમ કહી ઢીકાપાટુનો માર મારી યુવાનના બહેનને માથામાં લાકડી ફટકારી દીધી હતી અને આ ઝઘડામાં વચ્ચે છોડાવવા પડેલા રાહુલભાઈને પણ બનેવીએ લાકડીના ઘા ઝીકી જાનથી મારી નાખવા ધમકી આપતા વાંકાનેર સીટી પોલીસે ગુન્હો નોંધી તપાસ શરૂ કરી છે.