વાંકાનેર શહેર ભાજપ પ્રમુખ પરેશભાઈ મઢવીએ હોદ્દા પરથી આપ્યું રાજીનામુ…!!!

વાંકાનેર શહેર ભાજપ પ્રમુખ પરેશભાઈ મઢવીએ અચાનક શહેર ભાજપ પ્રમુખના હોદ્દા પરથી રાજીનામું મોરબી જિલ્લા ભાજપ પ્રમુખને ધરી દીધું છે.

આ સમાચાર અમારી સામે આવતા જ પરેશભાઈ મઢવીનો ટેલીફોનિક સંપર્ક કરતા તેઓએ રાજીનામુ આપ્યાનું સ્વીકાર્યું હતું અને કૌટુંબીક જવાબદારીના વધી જવાની કારણે પાર્ટી માટે સમય ફાળવી ન શકવાના કારણ રાજીનામું આપ્યું છે તેવું જણાવ્યું હતું.

અત્રે ઉલ્લેખનીય છે કે વાંકાનેરમાં ભાજપમાં બે ભાગલા છે. આ બંને જૂથોનો અલગ અલગ ચોકો છે, આ બંને જૂથોના આગેવાનો એકા બીજાના કાર્યક્રમમાં પણ આવતા જતા નથી. જેથી અમુક આગેવાનો આ જૂથવાદના કારણે આકડાયા છે. આ જૂથવાદની ઉચ્ચ કક્ષાએ પણ જાણ છે આમ છતાં તેઓ પણ આ બંને જૂથ વચ્ચે સમાધાન કરાવી શકતા નથી. હવે જોવું એ રહયુ કે પરેશભાઈ મઢવીએ શહેર ભાજપ પ્રમુખ પદે રાજીનામું આપતા હવે આ હોદ્દા પર કયા જૂથના વ્યક્તિની નિમણૂક થાય છે.