પંચસિયા સીટ પર કુલસુમબેન બાદીનો પ્રભાવ વધ્યો: ગ્રામ્ય પ્રવાસે જીતનો વિશ્વાસ મજબૂત કર્યો
🔹ગામે ગામે જનસંપર્ક, લોકોને મળતા ઉત્સાહભર્યા પ્રતિસાદ
પંચસિયા જિલ્લા પંચાયત સીટ પર કોંગ્રેસના ઉમેદવાર કુલસુમબેન અકબરભાઈ બાદી દ્વારા ચાલી રહેલો ગ્રામ્ય પ્રવાસ હવે ચૂંટણીમાં મુખ્ય ચર્ચાનો વિષય બની રહ્યો છે. તેઓ સતત ગામે ગામે જઈને લોકો સાથે સીધો સંપર્ક સાધી રહ્યા છે, જ્યાં દરેક સ્થળે તેમને ઉત્સાહભર્યો આવકાર મળી રહ્યો છે. મહિલાઓ, યુવાનો અને વડીલો તમામ વર્ગના લોકો તેમની વાતને ધ્યાનથી સાંભળી રહ્યા છે અને વિશ્વાસ વ્યક્ત કરી રહ્યા છે.
ગ્રામ્ય વિસ્તારોમાં યોજાતા નાના-મોટા સભાઓ અને ઘરઆંગણે મુલાકાતો દરમિયાન કુલસુમબેન પોતાના ભૂતકાળના કાર્યકાળની સિદ્ધિઓ અને આગામી વિકાસના વિઝન અંગે લોકો સાથે ખુલ્લી ચર્ચા કરી રહ્યા છે. ખાસ કરીને આરોગ્ય અને આધારભૂત સુવિધાઓ અંગે તેમના સ્પષ્ટ અભિગમને કારણે લોકોમાં સકારાત્મક માહોલ સર્જાયો છે.
પૂર્વ ધારાસભ્ય પીરઝાદા સહિત કોંગ્રેસના આગેવાનો અને અકબરભાઈ બાદી મેદાનમાં ઉતરતા પ્રચારને મળ્યો વેગ….
આ અભિયાનમાં પૂર્વ ધારાસભ્ય પીરઝાદા સહિત તાલુકાના કોંગ્રેસના અગ્રણીઓ અને સ્થાનિક આગેવાનો પણ સક્રિય રીતે જોડાયા છે, જેના કારણે પ્રચારને વધુ વેગ મળ્યો છે. એકજૂટતા અને સંગઠનશક્તિનું આ પ્રદર્શન ચૂંટણીના સમીકરણોને પ્રભાવિત કરે તેવી સ્થિતિ ઊભી કરી રહ્યું છે.
કુલસુમબેનના પતિ અકબરભાઈ બાદી ખુદ મેદાનમાં ઉતરીને ગામડાઓ ખૂંદી રહ્યા છે અને લોકો સાથે સીધી મુલાકાત કરી રહ્યા છે. તેમના વ્યક્તિગત સંપર્ક અને સમાજમાં ધરાવતી પકડને કારણે મતદારોમાં વિશ્વાસ વધતો જોવા મળી રહ્યો છે. તેઓ દરેક ગામમાં જઈને લોકોની સમસ્યાઓ સાંભળી રહ્યા છે અને તેનો ઉકેલ લાવવા માટે પ્રતિબદ્ધતા વ્યક્ત કરી રહ્યા છે.
સમગ્ર પરિસ્થિતિ જોતા પંચસિયા સીટ પર કુલસુમબેન બાદી માટે જીતની દિશામાં મજબૂત માહોલ તૈયાર થતો દેખાઈ રહ્યો છે, જ્યાં જનસમર્થન અને સંગઠનબળ બંને તેમની તરફ ઝૂકતા જણાઈ રહ્યા છે.
