માળીયા:સરવડ ગામે વહેલી સવારે લૂંટારૂ ઘરમાં ઘુસી વૃદ્ધ દંપતીને લુંટી લીધું.

મોરબી: ચોર લુંટારૂઓને કાયદાનો કોઈ ડર રહ્યો ના હોય તેમ છાશવારે ઘર ફોડ ચોરી અને વાહન ચોરીના બનાવો બનતા રહે છે તો આજે વહેલી સવારે માળિયાના સરવડ ગામના ઘરમાં ઘુસી ચાર જેટલા ઇસમોએ વૃદ્ધ દંપતીને લૂંટી લીધાનું સુત્રો પાસેથી જાણવા મળ્યું છે

માળિયા તાલુકાના સરવડ ગામના સરદારનગરમાં રહેતા મગનભાઈ જાદવજીભાઈ સુરાણી અને તેના પત્ની જશુબેન એમ વૃદ્ધ દંપતી એકલું રહેતું હોય ત્યારે આજે વહેલી સવારે ચારેક વાગ્યાના અરસામાં ચાર જેટલા લુંટારૂઓ ઘરમાં ઘુસ્યા હતા અને લઘુશંકા કરવા ગયેલ જશુબેન પર હુમલો કરી દીધો હતો વૃદ્ધ દંપતી પર હુમલો કરી ચારેય ઈસમો ઘરમાંથી ચાંદીના દાગીના અને રોકડ રકમની લૂંટ કરી નાસી ગયા હતા