ત્રણ ટર્મનો અનુભવ, બે ટર્મ પ્રમુખ તરીકે સફળ નેતૃત્વ
વાંકાનેર તાલુકા પંચાયતની મહિકા બેઠક પર કોંગ્રેસે ફરી એકવાર વિશ્વાસનો ચહેરો આગળ ધપાવ્યો છે. ફાતુબેન શેરસીયા આ બેઠક પરથી ચોથી વખત ચૂંટણી મેદાનમાં ઉતર્યા છે, અને તેમનો રાજકીય અનુભવ તથા કાર્યશૈલી તેમને અન્ય ઉમેદવારો કરતાં અલગ સ્થાન આપે છે.
ફાતુબેન અગાઉ ત્રણ વખત તાલુકા પંચાયતમાં ચૂંટાઈ ચૂક્યા છે, જેમાંથી બે ટર્મ સુધી તેમણે પ્રમુખ તરીકે જવાબદારી સંભાળી છે. દસ વર્ષના તેમના પ્રમુખપદ દરમિયાન તાલુકાના વિકાસને ગતિ મળી હતી, જે આજે પણ મતદારો વચ્ચે તેમની વિશ્વસનીયતા મજબૂત બનાવે છે.
ગત તાલુકા પંચાયતની ચૂંટણીમાં મહિકા બેઠક પર ફાતુબેનએ આશરે 1000 જેટલા મતોથી ભવ્ય જીત નોંધાવી હતી. આ પરિણામે આ બેઠક કોંગ્રેસ માટે ‘સિક્યોર સીટ’ તરીકે ઓળખાઈ રહી છે, જ્યાં પક્ષનું પાયુ મજબૂત માનવામાં આવે છે.

