રાત્રે કોલેસ્ટ્રોલ વધે તો આવા લક્ષણો દેખાય, તેને જો હળવાશથી લેશો તો હેરાન થઈ જશો.

આજના સમયમાં ખાવા-પીવાની ખોટી આદતો અને બેડ લાઈફસ્ટાઈલના કારણે લોકોમાં હાઈ કોલેસ્ટ્રોલની સમસ્યા ઘણી વધી ગઈ છે. કોલેસ્ટ્રોલ એ મીણ જેવો ચીકણો પદાર્થ હોય છે, જે આપણા શરીરમાં હાજર હોય છે. આપણા શરીરમાં બે પ્રકારના કોલેસ્ટ્રોલ હોય છે, એક ગુડ કોલેસ્ટ્રોલ અને બીજું બેડ કોલેસ્ટ્રોલ.

જ્યારે શરીરમાં બેડ કોલેસ્ટ્રોલનું લેવલ વધે છે, ત્યારે તે નસોમાં જમા થવા લાગે છે અને ધમનીઓને બ્લોક કરી શકે છે. જેના કારણે સ્ટ્રોક અને હાર્ટ એટેક જેવી અનેક ગંભીર બીમારીઓનું જોખમ વધી જાય છે. આવી સ્થિતિમાં, સમયાંતરે કોલેસ્ટ્રોલ લેવલની તપાસ કરાવવી ખૂબ જ જરૂરી છે. કોલેસ્ટ્રોલ વધવા પર કેટલાક લક્ષણો રાત્રે દેખાય છે. ત્યારે જાણો રાત્રે કોલેસ્ટ્રોલ વધવાના લક્ષણો શું છે.

રાત્રે કોલેસ્ટ્રોલ વધવા પર દેખાય છે આ લક્ષણો..

છાતીમાં દુખાવો :-

• રાત્રે સૂતી વખતે છાતીમાં દુખાવો થવો એ હાઈ કોલેસ્ટ્રોલના સંકેત હોઈ શકે છે.
• ધમનીઓમાં બેડ કોલેસ્ટ્રોલ વધવાથી લોહીના પ્રવાહમાં વિક્ષેપ પડી શકે છે, જેના કારણે ઓક્સિજનયુક્ત લોહી હૃદય સુધી પહોંચી શકતું નથી. તેનાથી છાતીમાં દુખાવો થઈ શકે છે.
• આવા લક્ષણો દેખાવા પર તરત જ ડૉક્ટરનો સંપર્ક કરવો જોઈએ.

શ્વાસ લેવામાં તકલીફ :-

• રાત્રે શ્વાસ લેવામાં તકલીફ થવી એ પણ વધેલા કોલેસ્ટ્રોલના સંકેત હોઈ શકે છે.
• વધેલા કોલેસ્ટ્રોલથી લોહીની ધમનીઓ સાંકડી થઈ શકે છે, જેના કારણે હૃદયને પૂરતું લોહી પંપ કરવામાં મુશ્કેલી પડે છે. જેના કારણે શ્વાસ લેવામાં તકલીફ થઈ શકે છે.
• રાત્રે સૂતી વખતે અચાનક શ્વાસ ફૂલવાનું શરૂ થઈ જાય છે, તો તરત જ ડૉક્ટરનો સંપર્ક કરો.

પગમાં ખેંચાણ અથવા દુખાવો :-

• રાત્રે અચાનક પગમાં ખેંચાણ અથવા દુખાવો થવો એ હાઈ કોલેસ્ટ્રોલના સંકેત હોઈ શકે છે.
• કોલેસ્ટ્રોલ વધવાને કારણે, લોહીનો પ્રવાહ યોગ્ય રીતે નથી થતો, જેના કારણે પગમાં દુખાવો અથવા ખેંચાણની સમસ્યા થઈ શકે છે.

પગના તળિયા ઠંડા રહેવા :-

• જો રાત્રીના સમયે પગના તળિયા બરફની જેમ ઠંડા રહે છે, તો તે કોલેસ્ટ્રોલ વધવાના સંકેત હોઈ શકે છે.
• હાઈ કોલેસ્ટ્રોલને કારણે, રક્ત પરિભ્રમણ યોગ્ય રીતે થતું નથી, જેના કારણે પગ ઠંડા લાગે છે.

અનિદ્રા :-

• રાત્રે વારંવાર સારી ઊંઘ ન આવવી અથવા વારંવાર ઊંઘ તૂટી જવી બેડ કોલેસ્ટ્રોલ વધવાના સંકેત હોઈ શકે છે.
• શરીરમાં કોલેસ્ટ્રોલનું પ્રમાણ વધવાને કારણે ઓક્સિજનનો પુરવઠો યોગ્ય રીતે મળતો નથી. જેના કારણે મગજને પૂરતો આરામ મળતો નથી અને ઊંઘની ગુણવત્તા બગડે છે.

જો ઉપરોક્ત મુજબના કોઈ લક્ષણ જણાય તો તાત્કાલિક ડોક્ટરની સારવાર ખુબ ખૂબ જરૂરી છે.