🤝 સમાજ સેવા સાથે હોળીનો ઉત્સવ – અજરામર એક્ટિવ અસોર્ટ ગ્રૂપનો માનવતાભર્યો પ્રયાસ

વાંકાનેર: AAA Group Wankaner (અજરામર એક્ટિવ અસોર્ટ ગ્રૂપ) દ્વારા હોળી–ધુળેટી પર્વની અનોખી અને પ્રેરક ઉજવણી કરવામાં આવી હતી. તા. 02/03/2026, સોમવારના રોજ યોજાયેલી આ સેવા પ્રવૃત્તિનો મુખ્ય હેતુ જરૂરિયાતમંદ બાળકો પણ તહેવારની ખુશીઓ સમાન રીતે માણી શકે તે રહ્યો હતો.

ગ્રૂપ દ્વારા છેલ્લા ત્રણ વર્ષથી સતત ચાલતી પરંપરા મુજબ, આ વર્ષે પણ જરૂરિયાતમંદ બાળકોને ખજૂર, મસાલેદાર દાળિયા અને મોટી ધાણી જેવા પૌષ્ટિક ખાદ્યપદાર્થોના પેકેટનું વિતરણ કરવામાં આવ્યું હતું. બાળકોના ચહેરા પર ખુશીના રંગો જોઈને હોળીનો સાચો આનંદ અનુભવાયો હતો.
ગ્રૂપના સભ્યોએ જણાવ્યું હતું કે તહેવારની સાચી ઉજવણી ત્યારે જ થાય, જ્યારે સમાજના દરેક વર્ગ સુધી ખુશીઓ પહોંચે. આ સેવા કાર્ય દ્વારા હોળીના પાવન દિવસને વધુ અર્થપૂર્ણ અને સાર્થક બનાવવાનો પ્રયાસ કરવામાં આવ્યો હતો.

વાંકાનેર શહેરમાં આ માનવતાભરી પહેલને સર્વત્ર પ્રશંસા મળી રહી છે.