21 વિદ્યાર્થીઓના સુસાઈડ, 36 દિવસના આંદોલન પછી પ્રધાનનું રાજીનામું
શિક્ષણ મંત્રી ધર્મેન્દ્ર પ્રધાને રાજીનામું આપી દીધું છે. NEET પેપર લીક માટે તેમને દોષિત ઠેરવીને જંતર-મંતર પર 36 દિવસથી ધરણા પ્રદર્શન ચાલી રહ્યું હતું. આંદોલનકારીઓનું કહેવું હતું કે ધર્મેન્દ્ર પ્રધાનના રાજીનામાથી ઓછામાં તેઓ માનશે નહીં. ધર્મેન્દ્ર પ્રધાને પોતે પોતાની પોસ્ટમાં પત્ર જાહેર કરીને પોતાનાં રાજીનામાની જાણકારી આપી.
કોકરોચની જીત થઈ
ધર્મેન્દ્ર પ્રધાનના રાજીનામા પછી કોકરોચ જનતા પાર્ટીની પ્રતિક્રિયા આવી છે. પાર્ટી તરફથી પોસ્ટ કરીને કહેવામાં આવ્યું કે કોકરોચની જીત થઈ. પાર્ટી છેલ્લા 36 દિવસથી પ્રધાનના રાજીનામાની માગને લઈને જંતર-મંતર પર પ્રદર્શન કરી રહી છે. સામાજિક કાર્યકર્તા સોનમ વાંગચુકે પણ પ્રધાનના રાજીનામા માટે અહીં ભૂખ હડતાળ કરી.
શુક્રવારે રાત્રે NEET પેપર લીક પ્રકરણમાં નેશનલ ટેસ્ટિંગ એજન્સી (NTA) દ્વારા 47 અધિકારીઓને બરતરફ કરવામાં આવ્યા હતા. બરતરફ કરાયેલા અધિકારીઓ વિરુદ્ધ ફોજદારી કેસ દાખલ કરવાની વાત પણ કહેવામાં આવી હતી. અધિકારીઓના જણાવ્યા અનુસાર, NTA માં સુધારા માટે ટૂંક સમયમાં વધુ કાર્યવાહી કરવામાં આવશે. એક દિવસ પહેલા સરકારે ગુરુવારે શિક્ષણ મંત્રાલયના બે સચિવોને બદલ્યા હતા.
અધિકારીઓના મતે, આઉટસોર્સિંગ સિસ્ટમમાં ફેરફાર કરવામાં આવશે અને સંસ્થામાં ટેકનિકલ સુધારા લાગુ કરવામાં આવશે જેથી પરીક્ષાઓ સંપૂર્ણપણે સુરક્ષિત કરી શકાય. આ ઉપરાંત, એવી ટેસ્ટિંગ સિસ્ટમ તૈયાર કરી શકાય જેમાં પેપર લીક થવાની કોઈ શક્યતા ન હોય.
