🚨 બ્રેકિંગ ન્યૂઝ: ટંકારાની ડેમી નદીમાંથી અજાણ્યા પુરુષનો મૃતદેહ મળ્યો

ટંકારા: ટંકારા શહેરમાંથી પસાર થતી ડેમી નદીમાંથી આજે એક અજાણ્યા પુરુષનો મૃતદેહ મળી આવતાં વિસ્તારમાં ચકચાર મચી છે.

પ્રાપ્ત માહિતી મુજબ સ્થાનિક રહીશોને ડેમી નદીના પાણીમાં એક પુરુષનો મૃતદેહ ડૂબેલી તેમજ તરતી હાલતમાં નજરે પડ્યો હતો. બનાવની જાણ થતાં આસપાસના લોકો ઘટનાસ્થળે એકત્ર થઈ ગયા હતા.

મૃતદેહની ઓળખ અંગે હાલ કોઈ માહિતી સામે આવી નથી. બનાવને પગલે પોલીસને જાણ કરવામાં આવી હોવાનું જાણવા મળે છે. મૃતદેહને બહાર કાઢી ઓળખ સહિતની કાર્યવાહી હાથ ધરવામાં આવશે.

આ ઘટનાને પગલે ટંકારા પંથકમાં ચકચાર ફેલાઈ છે.