વાંકાનેર: સરતાનપરની કમાન્ડર સિરામિક ફેક્ટરીના ગ્રાઉન્ડમાંથી ₹20,000ની કિંમતનું બાઈક ચોરાયું!
વાંકાનેર: વાંકાનેર તાલુકાના સરતાનપર ગામની સીમમાં આવેલ એક સિરામિક ફેક્ટરીના ગ્રાઉન્ડમાંથી વાહન ચોરીની ઘટના સામે આવી છે. જેમાં તસ્કરો એક મોટરસાઈકલની ચોરી કરી ફરાર થઈ ગયા છે.
પ્રાપ્ત માહિતી અનુસાર, ફરિયાદી કાંતિલાલ મહાદેવભાઈ ઘુમલિયા (રહે. ભક્તિનગર, ત્રિલોકધામ મંદિર પાછળ, નવલખી રોડ, મોરબી) ની માલિકીનું બાઈક સરતાનપર ગામની સીમમાં આવેલ કમાન્ડર સિરામિક ફેક્ટરીના ગ્રાઉન્ડમાં પાર્ક કરેલું હતું. ગત તારીખ 30 સપ્ટેમ્બરના રોજ કોઈ અજાણ્યો તસ્કર આ ગ્રાઉન્ડમાંથી રૂ. 20,000/- (વીસ હજાર રૂપિયા) ની કિંમતનું બાઈક ચોરી કરીને લઈ ગયો હતો.
આ વાહન ચોરીની ઘટના અંગે ફરિયાદી કાંતિલાલ ઘુમલિયાએ તાત્કાલિક વાંકાનેર તાલુકા પોલીસ મથકમાં ફરિયાદ નોંધાવી છે. પોલીસે આ ફરિયાદના આધારે અજાણ્યા તસ્કર વિરુદ્ધ ગુનો નોંધી, આસપાસના સીસીટીવી ફૂટેજ ચકાસવા સહિતની કાયદેસરની કાર્યવાહી શરૂ કરી છે અને ચોરાયેલા વાહનને શોધી કાઢવા માટે તપાસના ચક્રો ગતિમાન કર્યા છે.
