રાજકોટ: આટકોટ નજીક ભયાનક કાર અકસ્માતમાં આર.કે. યુનિવર્સિટીના ત્રણ વિદ્યાર્થીઓના મોત…

રાજકોટ: જિલ્લાના આટકોટ નજીક જંગવડ ખાતે શુક્રવારે મોડી રાત્રે એક ભયાનક કાર અકસ્માત (accident) થયો, જેમાં આર.કે. યુનિવર્સિટી, રાજકોટના ત્રણ વિદ્યાર્થીઓના (Student) દુઃખદ મોત (Death) થયા. આ ઘટનાથી સમગ્ર શહેરમાં શોકનું મોજુ ફરી વળ્યું છે.

મળતી માહિતી મુજબ, ઇનોવા કાર આટકોટથી રાજકોટ તરફ આવી રહી હતી, ત્યારે રાત્રે 11:30 વાગ્યાની આસપાસ જંગવડ ગામ નજીક ડ્રાઇવરે વાહન પરનો કાબુ ગુમાવ્યો હતો. પરિણામે, કાર રસ્તાની બાજુમાં પલટી મારી ગઈ હતી. અકસ્માત એટલો ભયંકર હતો કે કારનો આગળનો ભાગ સંપૂર્ણપણે નુકસાન પામ્યો હતો.

સ્થાનિક લોકોએ તાત્કાલિક પોલીસ અને એમ્બ્યુલન્સને જાણ કરી. રાજકોટ ગ્રામીણ પોલીસ અને 108 એમ્બ્યુલન્સની ટીમ ઘટનાસ્થળે પહોંચી ગઈ અને ઘાયલોને બહાર કાઢવાનો પ્રયાસ કર્યો, પરંતુ ત્રણેય વિધાર્થીઓનું ઘટનાસ્થળે જ મૃત્યુ થયું. અન્ય ઘાયલોને તાત્કાલિક રાજકોટ સિવિલ હોસ્પિટલમાં લઈ જવામાં આવ્યા હતા.

અકસ્માતનો ભોગ બનેલાઓમાં રેશ સુબ્બારાવ, મોતી હર્ષ અને આફરીન સઈદનો સમાવેશ થાય છે, જે બધા આર.કે.ના વિદ્યાર્થીઓ હતા. શરૂઆતની તપાસમાં જાણવા મળ્યું છે કે આ વિદ્યાર્થીઓ યુનિવર્સિટીના એક કાર્યક્રમમાંથી પરત ફરી રહ્યા હતા.