રાજકોટ: આઠ દિવસથી હોટેલમાં ચાલતાં કૂટણખાનાનો પર્દાફાશ,સુત્રધાર ઝડપાયો

રાજકોટ તા. ૨૬: આજીડેમ ચોકડી પાસે તુર્કીબાપુની દરગાહ નજીક આવેલી કે. ડી. એમ. હોટેલમાં પોલીસે દરોડો પાડી કૂટણખાનુ ઝડપી લીધું હતું. અઠવાડીયાથી આ ગોરખધંધા ચાલુ થયાનું અને તેમાં મેનેજર તથા બીજા બે શખ્સોની ભાગીદારી હોવાનું ખુલ્યું છે. પોલીસે મેનેજર, લલનાને મુંબઇથી લાવનાર શખ્સ તથા એક ગ્રાહકને પકડી લીધા હતાં. અન્ય એક લુહાર શખ્સ હાજર ન મળ્યો હોઇ તેની શોધખોળ થઇ રહી છે. આ લુહાર શખ્સ ત્રણેક વર્ષ પહેલા આફ્રિકા કોલોનીમાં પણ આવા ગોરખધંધા કરવા સબબ પોલીસ ચોપડે ચડી ચુકયો છે.

પીએસઆઇ એમ.એસ. અંસારીએ આ બારામાં આરટીઓ પાસે હુડકો કવાર્ટર ઇ-૨/૨૮માં રહેતાં જીતેન્દ્ર ઉર્ફ જીતુ ચંદુભાઇ રાઠોડ (ઉ.૩૮), મુળ દેવભુમિ દ્વારકાના વસઇ ગામના હાલ કે.ડી.એમ. હોટેલમાં મેનેજર તરીકે કામ કરતાં કિશન કાળુભાઇ માણેક (ઉ.૨૦) તથા ગીર સોમનાથ તાજ સોસાયટીમાં રહેતાં અને રાજકોટ દવાખાનાના કામ સબબ આવેલા ચિરાગ અર્જુનભાઇ જુમાણી (ઉ.૨૦) તથા નાશી ગયેલા દિવ્યેશ કવા સામે ઇમ્મોરલ ટ્રાફિક પ્રિવેન્શન એકટની કલમો હેઠળ ગુનો નોંધી કાર્યવાહી કરી છે.

એન્ટી હ્યુમન ટ્રાફિકિંગ યુનિટ અને એસઓજીની ટીમ પેટ્રોલીંગમાં હતી ત્યારે કોન્સ. સોનાબેન મુળીયા, હેડકોન્સ. બકુલભાઇ વાઘેલા અને મો.અઝહરૂદ્દીન બુખારીને બાતમી મળી હતી કે આજીડેમ ચોકડી નેશનલ હાઇવે તુર્કીબાપુની દરગાહ પાસે આવેલી કે. ડી.એમ. હોટેલમાં જીતુ રાઠોડ, દિવ્યેશ કવા અને હોટેલનો મેનેજર કિશન સાથે કૂટણખાનુ ચલાવે છે. આથી પોલીસે ખરાઇ કરી દરોડો પાડ્યો હતો. કાઉન્ટર પર જે શખ્સ બેઠો હતો તેનું નામ પુછતાં કિશન માણેક જણાવી પોતે મેનેજર હોવાનું કહ્યું હતું. એ પછી રૂમ નં. ૨૦૪ના દરવાજાને જોરથી ધક્કો મારતાં દરવાજો ખુલી જતાં સ્ત્રી-પુરૂષ કઢંગી હાલતમાં મળ્યા હતાં.

પુછતાછમાં યુવતિએ પોતે મુળ વેસ્ટ બંગાળની વતની હોવાનું અને છ ઘ્વિસથી જીતેન્દ્ર ઉર્ફજીતુએ બોલાવતાં હોટેલમાં આવ્યાનું તેમજ ગ્રાહકો બોલાવી પોતાની સાથે દેહસંબંધ બંધાવડાવી તેના બદલામાં ગ્રાહક દિઠ જીતુ બે હજાર લઇ પોતાને રૂ. ૮૦૦ આપતા હોવાનું કબુલ્યું હતું. આ યુવતિ સાથે રૂમમાંથી મળેલા શખ્સે પોતાનું નામ ચિરાગ અર્જુનભાઇ જુનાણી (ઉ.૨૧-રહે. વેરાવળ) જણાવ્યું હતું અને જીતુભાઇને બે હજાર રૂપિયા આપી શરીર સંબંધ બાંધવા આવ્યાનું કબુલ્યું હતું. રૂમમાંથી કોન્ડોમનું પેકેટ પણ મળ્યું હતું.

આ સમાચારને શેર કરો
  • 16
  •  
  •  
  •  
  •  
  •  
    16
    Shares