સુરેન્દ્રનગર: બિનસચિવાલયની પરીક્ષામાં ગેરરીતિની ગંધ, પ્રશ્નપત્રોનું કવર સીલબંધને બદલે ખુલ્લું

November 17, 2019November 17, 2019 Kaptaan Gujarat, Surendarnagar

3700 જગ્યા માટે યોજાનારી આ પરીક્ષા માટે 11 લાખ ઉમેદવારોએ આવેદન આપ્યુ.

ગુજરાત ગૌણ સેવા પસંદગી મંડળ દ્વારા આજે બિનસચિવાલય ક્લાર્કની પરીક્ષા લેવાઇ હતી. 3700 જગ્યા માટે યોજાનારી આ પરીક્ષા માટે 11 લાખ ઉમેદવારોએ આવેદન કર્યું છે. રાજ્યના દરેક જિલ્લામાં હજારોની સંખ્યામાં વિદ્યાર્થીઓ સરકારી નોકરી મેળવવા માટે આ પરીક્ષા આપી હતી. ત્યારે સુરેન્દ્રનગરમાં પરીક્ષાર્થીઓએ આક્ષેપ કરતાં કહ્યું છે કે, ‘એમ.પી શાહ કોમર્સ કોલેજમાં પેપરનાં સીલ તૂટેલા હોવાનો આક્ષેપ કરવામાં આવ્યાં હતાં.

અનેક વિદ્યાર્થીઓ હોબાળો મચાવતા આ અંગેની ફરિયાદ જણાવતા કહ્યું કે, ‘સામાન્ય રીતે ક્લાસમાં પેપરનું પેકેટ આવે છે તે સીલબંધ આવે છે પરંતુ પેકેટ ખુલ્લું આવ્યું હતું. આ ઉપરાંત સીલબંધ પેપર ફાઇલમાં વિદ્યાર્થીની સહી લેવામાં આવે છે તે જગ્યા પણ ખાલી હતી. વિદ્યાર્થીની સહી પછી આ પેકેટને ખોલવામાં આવે છે પરંતુ આ પેકેટ ખુલ્લું હતું અને કોઇની સહી પણ ન હતી.’